以下紹介，因為台語字無法度打出來，所以用華語「遊玩」來代替冊名。
台語是老祖先送予咱足媠閣有音樂性的語言，這本冊欲獻予~
拄開始入門，想欲學台語的囡仔佮大人；以及為母語傳承拍拚的濟濟有志，予遐爾仔媠的語言、文化生湠落去。
「烏熊愛遊玩」台語歌謠，開2年的時間，對詞、曲創作，到編曲製作、練唱、插畫、繪本編輯製作，有足濟人的鬥相共、幫贊，閣有社區的囡仔兄、囡仔姐來演唱，才製作出來的，向望逐家來鬥支持佮推廣，多謝！
繪本紹介：
「烏熊愛遊玩」台語歌謠繪本的主角是一隻臺灣烏熊—阿寶，伊大漢矣欲去讀國校，因為個性活潑、好玄，淡薄仔粗線條，所以發生誠濟趣味的代誌。
對數字歌、音階歌感受台語音韻的媠，閣會使認捌臺灣特有的動物—烏熊、諸羅樹蛤仔，多元的食食文化、民間傳說，嘛有上蓋在地的節日活動，用上本土的台語，唱出趣味閣有教育性的臺灣故事。
收錄12首創作：
1.烏熊去讀冊(數字歌及校園日常)
2.刺查某(認識外來種植物)
3. Do Re Mi(台語音階歌)
4.食早頓(多元飲食文化)
5.糖廠鐵橋(紀錄糖廠文化)
6.樹蛤仔((描述諸羅樹蛙唱歌比賽)
7.電音三太子
8.媽祖婆大戰大道公(民間傳說)
9.千里眼順風耳
10.六月十八(在地節慶)
11.虎尾市仔普(在地節慶)
12.烏熊愛遊玩
|
